Megindeildarráðið hevur til uppgávu at stýra Megindeldini fyri Náttúruvísundi. Tað tekur formellar avgerðir, so sum at góðkenna skeið, áseta próvtøkur og endurpróvtøkur, góðkenna fíggjarætlan o.s.fr. Leiðsluna hevur megindeildarformaðurin.
Læraraumboð og starvsfólkaumboð verða vald fyri 3 ár, meðan næmingaumboðini verða vald hvørt ár.
Megindeildarformaður er Hans Pauli Joensen, lektari.

Læraraumboð:

• Hans Pauli Joensen (formaður)
• Magnus Danielsen
• Eyðfinn Magnussen

Starvsfólkaumboð:

• Johanna Zachariasen

Næmingaumboð:

• Guri Bugge
•  

Skrivari:

• Randi Durhuus

Formelt um megindeildarráðið

Megindeildin verður stýrd av einum megindeildarráð, sum samsvarandi løgtingslógini fyri Fróðskaparsetur Føroya hevur 6 valdar limir: trý umboð fyri føstu lærararnar, eitt fyri starvsfólkini og tvey fyri næmingarnar. Um uttanseturslærarar eru tilnevndir, kunnu teir velja eitt umboð sínámillum, og tá verða føstu læraraumboðini tvey í tali. Næmingarnir sita eitt ár í senn, meðan hini sita trý ár í senn.

Megindeildarráðið er valt at stýra megindeildini. Tað hevur ábyrgd av tilevningum av námsskipanum á deildunum og av, at útbúgvingar verða avrikaðar eftir galdandi fyriskipanum. Ein partur í hesum er at góðkenna próvdømingarhættir og gera tilmæli um próvdómarar. Landsstýrið hevur endaligu góðkenningina av próvdómarunum, sum í flestu førum eru frá útlendskum hægri lærustovnum. Próvtøkurnar verða endaliga fastlagdar av megindeildarráðnum.

Megindeildarráðið viðger spurningar um góðskriving við Fróðskaparsetrið av útbúgvingum, sum næmingar hava tikið á øðrum lærustovnum, og gevur setursráðnum tilmæli.

Megindeildin tryggjar sær, at samlaða játtanin, ið er latin til deildirnar undir megindeildarráðnum, verður hildin. Hetta verður gjørt við javnan at viðgera fíggjarstøðuna á deildunum.
Starvsumsóknir til leys vísindastørv á Náttúruvísindadeildini og Teldudeildini verða viðgjørdar í megindeildarráðnum, sum ger tilmæli til setursráðið um manning av nevndum, ið skulu meta um førleikan hjá umsøkjarum. Við støði í metingarúrslitunum gevur megindeildarráðið setursráðnum tilmæli um starvsseting. Somuleiðis gevur megindeildarráðið setursráðnum tilmæli um starvsloysn og farloyvi hjá lærarum.